منبع - www.1az.ir
نة سنه قیز قحطدیر، نة منه اوغلان. قارا گیله نه سنه اوغلان
آغاج اولایدیم؛
یولدا دورایدیم؛
سن گلن یولا قارا گیله
كؤلگه سالایدیم. 214
قالانین دیبینده
قالانین دیبینده ییخیلدیم یاتدیم.
آینالی توفنگی دولدوردوم آتدیم.
وطنین یولوندا قان تره باتدیم.
ناغارات
یاشا سردار یاشا
سن مینلر یاشا!
قوشونو داغیتدین
سن داغا داشا!
قالانین دیبینده بیر داش اولایدیم؛
گلنه گئدنه یولداش اولایدیدم؛
وطنداشلاریملا قارداش اولایدیم.
ناغارات
قالانین دیبینده بیر اوزون سلوی،
كیمیمیز نیشانلی ،كیمیمیز ائولی،
یولومو گؤزله ییر بیر رعنا بویلو.
ناغارات
قالانین دیبینده ووردولار منی؛
اؤلمه دن مزارا قویدولار منی.
اؤلسم ده وطنده یورد آلار منی. ناغارات
قالانین دیبینی دوشمان آلیبدی؛
وطنین سرداری هاردا قالیبدی؟
گولوستان باغینی اؤزوم اكرم .
گولوستان باغینی اؤزوم اكرم .
همی باغبانی اوللام ،همی بیچرم
نئچه مجلیس ایچینده یاری سئچرم
آی گئدن اوغلان !
گئتمه بیر دایان !
عشقیندیر منی
آوارا قویان .
یئری ،یئری من ده گلیم دالینجا;
دسمال ائله آپار منی یانینجا.
وطنیم صفالیدیر ،باغدیر ،مئشه دیر.
یاریمین قلبی صافدبر ، سانكی شوشه دیر .
یاردان آیری یاشاماق چتین پئشه دیر.
میز اوسته ناردی
دَیمه دیم قالدی
اونا دَیمرم
او یادیگاردی
یئری ،یئری من ده گلیم دالینجا;
دسمال ائله آپار منی یانینجا.
اوجا داغلار باشیندا من تكم یاریم .
سنین ده بیر غمیوی من چكم یاریم
منیم نه واقتیمیدی آه چكم یاریم
میز اوسته لاله
الده پیاله
سئویرم سنی
گئتمه خیاله
یئری ،یئری من ده گلیم دالینجا;
دسمال ائله آپار منی یانینجا.
----------
گلمیشم اوتاغینا اویادام سنی ، قارا گیله اویادیام سنی
نةگوزل خلق ائله ییب یارادان سنی. قارا گیله یارادان سنی
گؤتوروب قاچیرارام آرادان سنی . قارا گیله آرادان سنی
قیزیل گول اسدی ؛
صبریمی كسدی؛
سیل گؤزون یاشین ! قارا گیله
آغلاما بسدی!
تبریزین كوچ هلری دولان بادولان ، قارا گیله دولان با دولان
سن كی منی سئومیرسن گئت آیری دولان !قارا گیله گئت آیری
----------
ساچین اوجون هؤرمزلر؛
گولو قونچا درمزلر ساری گلین
بوسئودا نة سئودادیر ؟
سنی منه آی وئرمزلر . نئیلیم آمان ،نئیلیم آمان
آمان ساری گلین
بو دره نین اوزونو،
چوبان قایتار قوزونو،
نة اولا بیر گون گؤرم
نازلی یاریمین اوزونو. نئیلیم آمان، نئیلیم آمان
آمان ساری گلین
عاشیق ائللر آیریسی،
شانا تئللر آیریسی، آیریسی
بیر گونونه دؤزمزدیم؛
اولدوم ایللر آیریسی . نئیلیم آمان ، نئلیم آمان
آمان ساری گلین
-----
جوجو خان خانلارین خانی
دره گزده یوخدور سانی
اوره كده قالدی آرمانی
حاییف س ندن اؤلدون جوجو
سنین تكین ننه دوغماز
فلك داشی داشا قویماز
نامرد جوانمردی سئومز
حاییف س ندن اؤلدون جوجو
دره گزی آلدین بوتون
یوخدو رشید سنین تكین
حلال اولسون امن سوتون
حاییف س ندن اؤلدون جوجو
اطرافینی سالدات توتدو
سنین باختین نئجه یاتدی
خانلار سنی ارزان ساتدی
حاییف سن دن اؤلدون جوجو
آتین باتلاقلارا باتدی
گولله دَیدی گؤزون یارتدی
حاییف سن دن اؤلدون جوجو
سندن منه یار اولماز،
سندن منه یار اولماز
عهده وفادار اولماز .
یوزمین گول-چیچك آچسا
ایستی سیز باهار اولماز.
گئدیردیم گویلره فیرتانا سالام
قوجامان گونشی
الیمه آلام
ائولره بیر به بیر ایشیق
پایلایام
اولدوزلار ییغیشیب یولومو
کسدی
بیر اوزگه قیلینجی
قولومو کسدی
نه من گونه چاتدیم
نه گونش منه
نه سن آیا نه
ده گویدن آی سنه
دوشموشوق نه یامان
دومانا چنه
داماردان توکولور
توپراقا قان لار
قارشیدا دوزولوب
سوسوز قافلان لار
اینسان لار تولکونو
عزیزله ییللر
باخ، گونه باخان لار
سن سیز له ییللر
بولوتلار گونشی
تئز گیزله ییللر
دئییللر گلمیشیک یاغیش یاغماقا
شئح توتان گوزلره
باخیش یاغماقا
یاغیش باهانا دیر کی
هاوا توتولسون
گومان لار دومان تک
شهری اودسون
آزادلیق آدیلن
قوشلاری توتسون
یازیلسین دال با دال
اوخونماز سوزلر
یاتان وجدان لارا
توخونماز سوزلر
-------------------
جیسمیم قالیب اوزاقدا آمما من یانین دایام
سس سیز آخیب و قلبینی آلمیش جانین دایام
سانکی دومان تکین بورویوب سوزلریم سنی
چن لر تکین گومانلی یاتان اورمانین دایام
کنعانیمیزدان آیری دوشوب آیریلیقلاری
یوسیف تکین درین قویولار زیندانین دایام
اولدوزلاریم منیم آپاریر سجده ظولمته
یوخ چیخماییر گونش ایشیغین سون جانین دایام
داغدان دوغولموشام بوغا بیلمز دنیز منی
شئرلر یاتاغی من ساوالان وولکانین دایام
یوخدور بیر اینتیظار
کی آلیم جننتین باغین
من آدمیله آلمالارین عیصیان نین دایام
سلام!خوش گلیبسیز! باخیشلاریز و نقدلرینیزی گوزله ییرم!!
پاييز
اؤتدوكجه هر پاييز ،
گيلئيلي طالعيميزين چيچه يي،
آغلايا-آغلايا يولور ساچلارين.
اؤتدوكجه هرپاييز،
چهکیلیر آرزوموزون شهدي، شيره سي،
ديله گهلير ديلهك لهريميز:
بير پهتهك عؤمؤرو ، نئجه داديب ياشاديق...؟
هر پاييز...،
دومانلاردا ايتهن خاطيره لر-
اوزاقلاشير...، اوزاقلاشير...،
و نهايت ،
قارا سئچير گؤزلريميز .
---------
آنامين يايليغي !
آنا بير سئوگي دي نازدي،
آنا بير نغمه دي سازدي،
آنا باشدان باشا آنلامدي اؤركدي،
آنامين يايليقي بير چنگه ايپكدي-
غونچادي گولدو چيچكدي.
،،،،
آنا دردله باريشاركن ،قووشوب درده تاي اولدو،
گئجه-گوندوز چاليشاركن، وصفه سيغماز هاراي اولدو،
كؤرپهسي آدديم آتينجا ،هرگؤنو دوز بيرآي اولدو،
دارگؤنونده باشينين يايليقي نذر اولدو پاي اولدو-
فيكره دالديم بئله درد عاشيقي كيمدير ...؟
آنادير يوخسا حكيمدير...؟
آنا كيمدير؟ آنا كيمدير !
آنا ائل عاشيقي ائللرده بزكدي
او صاباحدي ، گلهجكدي .
،،،،
ائل آرا كينه عداوت يئر آلاندا،
سؤز-سؤزه باتماز اولوب قان قارالاندا،
قورخودان كؤرپه لرين باغري ساپاقدان قيريلاندا-
آنانين سون سؤزو يالنيز دانيشيقدير،
آنا صولح عسكري يايليق باريشيقدير ...
آنامين يايليقي ياردير ياراشيقدير .
،،،
گهل دئييم بيرده ائلين شانلي گونوندن،
توي گونو برلي -بزكلي او آل-الوانلي گونوندن،
باشي يايليقلي گلينلر، گلينه خونچا بزهرلر-
آنالار باشدا گزرلر ،
يايليقي دينگه ووروب تويدا سوزرلر...
سؤز قوشوب ماهني دوزرلر،
گول وئررلر گلينه ،
آنانين يايليقين عادتدي دولارلار بئلينه .
،،،
قوي دئييم بيرده ائلين قانلي گونوندن !
كئچميشيندن موغانين بير قارا داستانلي گونوندن،
دوشونولمز بيري خايين چيخاراق نفسه ساتيلدي،
آديني خان قوياراق، خالقا قاتيلدي،
اووا چيخميشدي بي گون بايرام آييندا ،
داياندي آرپا چاييندا-
گوردو بير نازلي گلين قاشلاري يايدي،
نه گلين سانكي بير آيدي،
تانريردان وئرگي دي پايدي،
دئدي بو نازلي گلين خانلارا تايدي...
،،،
باشي يايليقلي ساراي،سالدي هاراي !
باغري آليشدي ...
خانين ايرنج باخيشيندان جانا گلدي،
او ساراي كي يايليق اؤرتنده دييهردين آنا گلدي...
دردي بير-بير سانا گلدي،
سون گوروش ميدانا گلدي.
اؤزونو آرپا چاييندان آتاراق ديللره دوشدو،
ساري يايليقلي ساراي ماهنيسي محفيللره دوشودو.
اؤلكهيه ائللره دوشدو...
ياشادي يادداشيميزدا،
سئوينجده گوز ياشيميزدا-
آنا دونيا بويو سؤنمز بير ايشيقدير،
آنا صولح عسكري يايليق باريشيقدير.
-------------
ياشامي بير هايلي-هارايلي قاطاردي شاعرين.
يوكو آغلي-قارالي، بيرنئچه قوجاق شعير.
اينجه مقصدي ،
داش-دمير اوسته سورونور !
اوزون گئجهلره-
لايلاي چالا-چالا چيرپير، شاعير اورهيي .
ايچين يييهن قلمي-
آغچلنگلي گلهجكدن يازير .
اؤزو سئویلمهیهجکسه ده بيرگون،
سئوير ...، ياشادير .
شام كيمي اريييب،
كپنكلرين اوچوشو قدر ياشايير !
كيمدي شاعير؟
هارادي سونوجو بو يولون ...؟
اونو تانييم دييه-
قاچديم بو قاطارين آرخاسينجا ،
اۆزۆمه چيرپيلان گوزياشلاريني گوردوم !
چيچكلهنيب پؤهرهلهننده شعيري،
اوچدو آغزيندان كپنكلر ...،
يتيم قالدي كيتابي ،
"گويدن دوشن اوچ آلمادي" عؤمرو شاعرين
------------------
وستوم ،
گهل گئدهك اورمو گؤلونه -
يئنهده خاطيره شكيلي چكديرك .
نه اولاركي چارتلاييب دوداقلاري،
تهپيليب آغزينا پالچيقلار ،
و اؤپوشمور اؤز ساحيليايله دالغالار .
دوستوم ،
گهل گئدهك اورمو گؤلونه
بو دؤنه ،ساچلاريني اويناتماسادا كولهك لر،
آرخاسي اوسته قالان -
گميلر اؤنونده شكيل چكديرك .
ياديندامي دوستوم؟
بيز مينهن گمينين سرنشين لري ؛
و بير اوشاقين ماراغی :
" آنا...، دالغالاردا باتيب-چيخان گونشه باخ "
دوستوم ،
ايندي گل باتان گونشايله -
شكيل چكديرك !
------------
يئنه ده غم - كدر ايله دولوب قوجاقلاريميز
يهرلنيب قارا يئل لر، سونور اوجاقلاريميز
اوراقلانيبدي چيچك لر ،خبر يوخ آل بويادان -
ناخيشلاري بزه مير ساللانان ساچاقلاريميز
ايليم-ايليم بيز ايتيرديك اونوتدوق ائل- اوباني
پوزولدو يادداشيميزدان ايگيد قوچاقلاريميز
ائلئیكي بوغدو ساراني اوتاندي آرپا چايي ،
ياواش-ياواش قورودو گور جوشان بولاقلاريميز
حاصارلانيبدير اؤره كلر، قيفيللانيب قاپيلار،
اونو داها كهسه بيلمیر پولاد پيچاقلاريميز
كيتاب-كيتاب ناغيلايله شيرين-شيرين گئجه لر،
سيلينمهيير گوز اؤنومدن شيرين او چاغلاريميز
ديديم – ديديم داغيديلدي، ايپكلي يورد يوالار !
نه كهنه دام-باجالار وار ، نه بور-بوجاقلاريميز
" آرانلي" هر قارا يئلدن، دوغار بولودلو ياغيش ،
آشار، داشار قوشاچايلار، گولر اوجاقلاريميز ..
منبع
برچسبها:
auv azari es am s,
sms torki,
www,
az30,
com
+ نوشته شده توسط اذرسس در و ساعت
|
![[تصویر: dance%20azari.gif]](http://azariha.persiangig.com/image/dance%20azari.gif)
